LAJME

• LAJMET E MUAJIT

• ARKIV

       (shenim:te gjitha lajmet kalojne ne arkiv ne fillim te muajt te ri kalendarik)

Ju lutemi dergoni njoftime te cilat mund te vendosen ne kete faqe!

Kliko  per te derguar e-mail

Shqiptaretnehollande@hotmail.com

• Ambasada hollandeze ne Tirane
• Koncert ne Tilburg

• ---

• Ambasadori shqiptar Tarifa- HAJDUT

  Pas zbardhjes së bisedës së ambasadorit me një biznesmen, MPJ-ja nis kontrollin për fondet e ambasadës në Uashington Skandali, nis hetimi për ambasadorin Ministria e Jashtme: Kemi kërkuar kthimin e menjëhershëm të ambasadorit dhe dhënien e shpjegimeve Darina Tanushi TIRANË – Ministria jonë e Punëve të Jashtme ka ngritur dje urgjentisht një grup pune, i cili do të hetojë në lidhje me kasetën, ku është përgjuar ambasadori ynë në Uashington, Fatos Tarifa, me një biznesmen me origjinë nga Korça, duke bërë pazare për përfitime fondesh publike nga disa punime që firma e biznesmenit do të kryente në ambasadën tonë në Uashington. Biseda e bërë publike dje nga revista “Klan”, ka shkaktuar tronditje dhe në Ministrinë e Jashtme. Pas një mbledhjeje të gjatë, dje në mbrëmje ambasadorit Tarifa i është kërkuar të kthehet menjëherë në Shqipëri dhe të japë sqarimet lidhur me këtë ngjarje. Sipas njoftimit për shtyp të ministrisë, dalë dje pas kërkesave të gazetarëve, gjatë ditës së dielë, ambasadori i RSH-së në Uashington, i ndodhur para disa ditësh në Tiranë për një aktivitet ndërkombëtar, ka qenë duke u kthyer në Uashington. Për këtë arsye nuk ka qenë e mundur të vendoset ndonjë kontakt telefonik deri në mbrëmje. Ministria, nisur nga rëndësia e figurës së një ambasadori dhe në mënyrë më specifike, duke trajtuar me shumë përgjegjësi çështjen në fjalë, ka kërkuar nga ambasadori të jepen të gjitha shpjegimet e nevojshme, thuhet në njoftim. Për këtë arsye dhe për të përballuar situatën, duke qenë njëkohësisht i shkëputur nga funksioni dhe aktiviteti që ai kryen, është kërkuar kthimi i menjëhershëm në Tiranë për t’u paraqitur në ministri dhe për të kryer të gjitha veprimet e nevojshme dhe për të dhënë shpjegimet individualisht në ministri e publikisht, konform rregullave në fuqi. Ministria ka vazhduar procesin e verifikimit të të gjitha çështjeve që lidhen me veprimtarinë financiare të ambasadës në Uashington dhe në mënyrë specifike ka nisur të shqyrtojë të gjithë korrespondencën lidhur me çështjen në fjalë. Kjo veprimtari është tashmë programuar të kontrollohet nga Drejtoria e Kontrollit të Brendshëm e MPJ-së, e cila do të vihet në veprim të menjëhershëm, shprehen drejtuesit e MPJ-së. Burime nga MPJ-ja thanë se grupi i kontrollit të brendshëm të MPJ-së do të niset menjëherë në Uashington për të kontrolluar veprimtarinë financiare. “Ministria, duke qenë e angazhuar maksimalisht për ruajtjen e integritetin e institucionit dhe stafit të saj, dhe vazhdimin normal të aktivitetit të ambasadës në Uashington, i ka kërkuar ambasadorit veprim të shpejtë e të përgjegjshëm për ndriçimin e çështjes. Ministria e Punëve të Jashtme do të ndjekë këtë çështje me shumë përgjegjësi e seriozitet, institucionalisht dhe bazuar në ligjin e “Shërbimit me Jashtë”, thuhet në njoftim. Biseda e përgjuar Revista “Klan” ka botuar dje bisedën e shefit të diplomacisë sonë në Uashington dhe këtij biznesmeni privat shqiptar, emri i të cilit nuk bëhet i ditur. Por, gjithçka pritet të hetohet nga grupi i punës, nëse zëri në këtë kasetë është vërtetë i Tarifës dhe më pas priten edhe masat që shteti ynë do të marrë nëse kjo është e vërtetë. Nga kjo bisedë telefonike e përgjuar kuptohet se ambasadori Tarifa i ka kërkuar biznesmenit 4 500 dollarë për botimin e një libri që i kishte mbetur përgjysmë në Holandë. Ndërsa biznesmeni kishte një firmë ndërtimi po në Uashington. Të dy, sipas bisedës së regjistruar, kanë bërë një marrëveshje, sipas të cilës, ata kanë çuar një projekt në Ministrinë e Jashtme për të miratuar një fond për rikonstruksionin e ambasadës shqiptare në Uashington. Nga njëra anë, ambasadori do të merrte hua nga biznesmeni paratë që i duheshin për botimin e librit, ndërsa biznesmeni do të bënte punën dhe do të shpërblehej edhe më shumë nga sa i kishte dhënë ambasadorit hua, duke sajuar fatura të paqena nga ana e kreut të ambasadës. Nga biseda e regjistruar duket se ata kishin kohë që e konsumonin këtë çështje, por duket se kishte vonesë në miratimin e fondit nga Ministria jonë e Punëve të Jashtme, prandaj edhe pazari nuk ka shkuar deri në fund. Në bisedën e zbardhur vihet re një fjalor shumë fyes në adresë të qeverisë dhe drejtuesve të tjerë të shtetit në përgjithësi, pa përmendur emra konkretë. Në një moment gjatë bisedës, duke iu referuar revistës “Klan”, Tarifa thotë se ai jeton me 1 200 dollarë në muaj dhe një shumë e tillë nuk dilte, ndërkohë që vetëm qiraja e banesës së djemve të tij në shkollë në Holandë. Ambasadori ankohet, në këtë bisedë për gjendjen e tij ekonomike dhe thotë në një moment se “në qoftë se e bëra këtë gjë nuk e bëra as për emër, as për titull që e mora këtë punë (si ambasador). E mora thjesht që t’u jap fëmijëve një shkollë më të mirë dhe një mundësi”. Por gjithçka rreth kësaj bisede do të hetohet dhe do të bëhet e qartë, shumë shpejt nga grupi i punës, i ngritur pranë Ministrisë së Jashtme.   09/05/2005